Cluozza
Fingià dal 1909 ha il cumün da Zernez dat a fit la Val Cluozza al Parc Naziunal Svizzer. Cun quai es quella val la cella uriunda dal Parc Naziunal il plü vegl illas Alps. Quia as rechatta eir l’unica chamonna aint il Parc, la Chamanna Cluozza. Sün via per rivar là vezzast cun ün bun spejel lung suot il Piz dal Diavel la cuntschainta platta cullas passivas dals dinosaurs. Sper il cuccar vezzast ün squitsch d’üna passiva ch’ün dinosaur ha relaschà avant 220 milliuns ons.
