Startseite
Allegra
L‘asfalt chi cuvernaiva la terra intuorn il center dal Parc Naziunal es svani, là po uossa nascher üna cuntrada natürala. La surfatscha na sigillada as s-choda damain, las precipitaziuns pon sfuondrar natüralmaing e plantas e bes-chas chattan quia ün nouv spazi da viver. La nouva surfatscha cun laina da grava, crappa e plantas indigenas da gronda valur ecologica s’affà cul Parc Naziunal. Ella nun es ün üertin alpin d’impersè – natüra sulvadia.
Eir per no umans es quist ün lö per as trategner, per observar e scuvrir. Guardond tras ils cuccars vezzast elemaints interessants dal Parc Naziunal. La crappa dal Parc at quinta lur istorgias. E guarda bain scha tü chattast ulteriurs codes da QR – els svelan fats da la natüra, chi at faran star be stut.
Implü hast seguaintas pussibiltats:
Glista da plantas:
chatt’oura che plantas chi creschan quia.
Plan da plantaziun:
el at muossa chenüna planta chi crescha ingio.
Ingiavinera
Per finir at poust far pachific e controllar teis savair.
No at giavüschain ün’aventüra interessanta e bler plaschair.
Vos team dal PNS
