Chastè
Il chastè Planta Willdenberg appartegna pro’ls edificis ils plü vegls da Zernez. La tuor es var 750 ons veglia. Vezzast las balastreras?
Bod ch’eir il chastè füss dvantà victima dal grond incendi da Zernez dal 1872. Daspö il 2007 serva’l sco dmura per l’administraziun dal Parc Naziunal Svizzer. Là pisseran sur 40 collavuraturas e collavuraturs pel Parc Naziunal chi’d es il parc il plü bain protet illas Alps. Ils trais böts principals – proteger, perscrutar, infuormar – stan i’l center da lur lavur.
Rudolf von Planta, il chastlan d’üna jada.
