Verrucano
Es quist insomma ün crap – el guarda oura sco beton?
I dà propcha in ögl ch’el sumaglia al beton. Quist crap, ün Verrucano, as cumpuona da divers materials. El consista da sablun e gera kittada – sumgliaint al beton. Ils geologs nomnan quai ün conglomerat.
Il Verrucano as ha fuormà dürant l’erosiun da muntognas, chi d’eiran gnüdas fuormadas lönch avant nossas Alps.
Cura es gnü fuormà il Verrucano?
Il Verrucano s’ha fuormà causa da l’erosiun da muntognas chi s’han fuormadas lönch avant las Alps. Dürant strasoras cun grondas precipitaziuns han flüms transportà davent bler sablun e blers bollers giò da las muntognas ed han prunà quist material in fuorma da cuogns alluvials in regiuns desertas.
Il Verrucano es fich cotschen – perche?
La culur cotschna s’ha fuormada tras oxidaziun da fier aint il crap, in quel clima da desert. Chi chi segua l’aual da l’hotel il Fuorn amunt, inscuntra sülla via adüna darcheu sculuridas violettas giò per terra. Quellas derivan dal Verrucano. Il plü frappant sun ils blocs da Verrucano al cumanzamaint da la Val Trupchun: els as rechattan i’l let dal flüm a mezza strada tanter la plazza da parcar Prasüras e la chamonna Varusch.
Blocs da Verrucano ill’Ova da Trupchun
