Gnais
Quist gnais es il plü vegl dals craps chi sun exposts quia – el ha var 450 milliuns ons.
Avant la fuormaziun da las Alps d’eira’l ün granit. Pür tras il squitsch enorm dürant la sfodigliada da las Alps, s’ha’l transmüdà in ün gnais. Tals craps as nomna illa geologia craps da transfuormaziun.
Il gnais as cugnuoscha vi da sias tipicas striblas, chi derivan da las differentas s-chaglias.
Che es ün plattai da s-chaglia?
Il squitsch dürant la fuormaziun da las muntognas alingescha ils minerals plats i’l crap uschè chi stan parallels. Lung quellas surfatschas parallelas rumpan ils gnais e pon gnir elavurats a plattas da crap.
Ingio daja gnais?
Impustüt sü Macun ed intuorn Zernez.
Gnais sü Macun
