Dolomit
Il dolomit es fich fraischel e schmiclus, ed ha üna tipica structura cun sfessas. Il crap guard’oura sco üna chaltschina ma cuntegna eir magnesium ed es plü dür.
El sumaglia al crap da chaltschina, es però ün dolomit. Il dolomit vain disfat dad aua e dschetas. Tras quai as fuorman gravas imposantas.
El ha eir dat il nom a las Dolomitas Engiadinaisas. 80 pertschient da la grippa i’l Parc Naziunal sun dolomits.
Quist crap am tira adimmaint la glera suot ils binaris da tren.
Hai, e lapro daja be pac material fin. Da quel dovressa però per chi’s possa fuormar terrain früttaivel. Uschea nun esa da’s dar dabuonder chi nu crescha bler sül Dolomit.
Las Dolomitas Engiadinaisas, s’hana eir fuormadas in ün mar?
Schi. La vetta da Dolomit chi’d es daplü co 1000 m grossa es gnüda depositada dürant il temp dals prüms dinosaurs – illas lagunas a l’ur d’ün ocean.
Grippa tipica da dolomit.
