Cargnola
Quist crap es plain fouras, sco üna spunga. E fich gruogl!
Üna cargnola chi vain eir nomnada dolomit da cellas.
Quist crap consista d’üna misculanza da dolomit e gess. Ma verer as vezza be il dolomit, il gess chi’s schoglia ill’aua es gnü schlavà oura e perquai ha’l tantas fourinas. Las fouras fan gnir il dolomit da cellas fich permeabel. Perquai naschan bleras funtanas our da quels grips.
Pro la fabrica da tunnels as haja temma da las vettas da la corniola. Quels craps sun saduollats cun aua e schi’s tils perfoura, schi squitta l’aua cun gronda pressiun illa gallaria.
Vi dal dolomit da cellas as vezza fich bain ils process veements dürant sia fuormaziun.
Perquai cha’l gess as lascha fuormar fich bain, sun ils pakets da crap gnüts chatschats ün sur tschel aint lung las vettas da gess. Il gess ha in quel mumaint gnü l’effet sco ün üt chi uondscha. Tras ils gronds movimaints es il gess i in tocs e gnü schmiclà.
I’l Parc Naziunal as vezza fich bain las faschas gelguas da la cargnola, per exaimpel sü Margunet.
