Amfibolit
Il mineral s-chür amfibol ha dat a quist crap sia culur ed eir seis nom: amfibolit.
E las flachas cleras?
Quellas derivan dal mineral spat. L’amfibolit es il crap il plü resistent e s’ha, sco il gnais, fuormà tras üna transfuormaziun .
El vain explotà amo hoz in üna chava da crap tanter Zernez e Susch ed el vain dovrà impustüt per construir mürs da sustegn.
Sü Macun chattaina quist crap s-chür in divers lös insembel cun gnais.
Amfibols sun minerals s-chürs in fuorma da bastunins. Quia i’l purtret vezzais üna gnais amfibolic.
