Dschember
Chi chi voul surviver in regiuns uschè otas, douvra qualitats specialas. Quai es perfet pels dschembers chi han jent scha id es sulvadi. Els sun portaders da record e quai in differentas disciplinas: Els sun buns da viver fin sün 2400 m sur mar, sun buns da supportar temperaturas da -40°C e pon dvantar fin 1000 ons vegls. Al cuntrari dals sems da pins, larschs e tieus nun han las nuschpignas dal dschember ingün’ala, ellas sun dimena dependentas da la cratschla chi tillas derasa. Chattast ün dschember quia in tia vicinanza? Ün tip: il dschember porta adüna püschelins cun 5 aguoglias.
