Chaltschina da corallas
Quist quia es ün bloc da chaltschina fich special. A verer bain as vezza laint ils vanzs da corallas petrifichadas.
Corallas chi vivaivan avant var 200 milliuns ons in ün rif da corallas a l’ur d’ün ocean.
Polips da corallas sun bes-chinas, chi fabrichan sü plan a plan ils rifs da corallas ramassond chaltschina.
Ils rifs da corallas appartegnan pro’ls biotops ils plü richs dal muond. E quai nu d’eira oter avant 200 milliuns ons. Là vivaivan conchas, lindornas, peschs, peschs saurians ed amo bleras otras bes-chas. Davo cha quistas bes-chas sun mortas sun lur crouslas chaltschinuossas e lur skelets its a fuond.
Cul ir dal temp s’han uschè fuormats drets sunteris – sedimentaziuns da chaltschina da divers meters otezza.
Hoz chattaina per exaimpel quistas vettas plain fossils sü Murtèr sün ün’otezza da 2500 meters, dalöntsch davent da l’ocean tropic.
© quinguyen auf unsplash
