Chaltschina da l’Allgäu
Quist es üna chaltschina da l’Allgäu – our da las chafuollezzas d’ün ocean – e gnüda fuormada avant 150 milliuns ons.
Tanter l’Europa e l’Africa s’ha drivi da quella jada üna sort Mar Mediterran primar– l’ocean dal Tethys.
Sias spuondas d’eiran per part fich instabilas. Da temp in temp as schogliaivan boudas suot aua ed han uschè strat cun sai material giò illas chafuollezzas.
Las vettas cleras sun richas da chaltschina. Ellas s’han fuormadas tras sedimentaziun da chaltschina e quai in fasas quietas e sur lung temp.
Las vettas s-chüras e richas d’ardschiglia s’han invezza fuormadas infra pacas uras. E quai tras üna bouda suot mar, chi ha sduvlà sü blera belma e chi s’ha plü tard sedimentada in üna nouva vetta giò’l fuond dal mar.
Quists craps da chaltschina richs d’ardschiglia domineschan süllas spuondas da la Val Trupchun. Craps richs d’ardschiglia pisseran per terra früttaivla. Els sun eir ün motiv pel grond nomer da tschiervis e capricorns illa Val Trupchun.
Fotografia d’ün model d’ammonit i’l museum da fossils dal Monte San Giorgio a Meride (TI)
